Rondiro tra Munkeno:

Tute klare:

Munkeno estas plej bone esplorebla ĉe promeno tra la malnova urbo. Multaj de la plej belaj vidindaĵoj situas en la historia centro inter  Isartor (Isarpordego), Sendlingertor (pordego al Sendling), Karlstor (Karlopordego) kaj Odeonsplatz (Odeonoplaco). Ekira punkto de nia duhora promeno estas la Mareienplatz (Mariaplaco). Ĉi tie ne nur batas la koro de la urbo, sed ankaŭ la mondfama sonorilaro. Je la 11a horo kaj 12a horo (somere ankaŭ je la 17a horo) turnas sin  ĝiaj figuroj en la turo de la nova urbodomo. Ties novgotika fasado apartenas al la plej ŝatataj fotoobjektoj en la centrourbo. Maldekstre de la urbodomo vi alvenas tra la  Weinstrasse (vinstrato) en la Theatinerstrasse (teatina-straton) kun ĝiaj elegantaj vendejoj, galerioj kaj ravaj kafejoj. Malantaue malfermas sin la Odeonsplatz. Allogilo estas la serena baroka Theatinerkirche (teatina-preĝejo), kui ekestiĝis laŭ itala modelo. La najbara Feldherrenhalle (halo de la ĝeneraloj) similas al konstruaĵo en Florenco. Vidalvide al la teatina-preĝejo situas la korta ĝardeno, plezurĝardeno kun sunlumpenetrataj arkadoj. Ĝi jam apartenas al la residejo, kiu etendas sin laŭ la maks-josef-placo. En tiu unika kastelkonstruaro ankaŭ troviĝas la resideja museo kaj la trezorejo. Ne miru pri la brilpoluritaj nazoj sur la leonŝildoj antaŭ la eniro : la munkenaj kredas, tuŝi ilin preterirante alportas feliĉon. Sur la Max-Joseph-Platz (Maks Josef Placo) vi staras antaŭ la nacia teatro, enhavanta la operon.

Ekde la nobla Maximilianstrasse (Maksimilian strato) kun ĝiaj tre luksaj butikoj kaj vendejoj ni iras plu en la Hofgraben (kortafosaĵo) a la malnova korto, la iama imperiestra sidejo. Ĉe la Platzl (placeto)  finfine vi alvenas al la verŝajne plej famkonata biertrinkejo de la mondo: la Hofbräuhaus (reĝa bierfarejo). Tra la strato Tal (valo) ni atingas la pordegon ĉe la rivero Isar. Tiu impona konstruaĵo estas preskaŭ tiel konservita kiel ĝi estis en la 14a jarcento. Interne de la pordego situas vera unikaĵo : stranga museo, kiu rememoras al Karl Valentin, la fama munkena komikisto. Ĉu vi havas apetiton manĝi ion ? Iru a la Viktualienmarkt (merkato de nutraĵoj). Ĉi tie aĉetas kaj la domastrino kaj profesia kuiristo de la altrangaj restoracioj. Delonge ŝvebas la odoro de ĉasbestoj, fromaĝo, fiŝo kaj ekzotikaj fruktoj tra la vojetoj de vendejoj. Satigitaj ni atingas la Kaufingerstrasse preterpasante la preĝejon Alter Peter (Malnova Petro), (ekde la turo vi ĝuas belan super-rigardon de la urbo). Ĉi tie komencas la plej konata strato por aĉetado kun multaj vendejoj kaj grandmagazenoj. Tie ni renkontas la simbolon de munkeno: la impona Frauenkirche (katedralo de Nia Sinjorino), konstruita je la fino de la gotika epoko kun ĝiaj kupoloj. La strato Neuhauserstrasse gvidas al la Karlsplatz (Karlo-Placo). La placo ricevis sian nomon de la elekto-princo Karl Theodor. La munkenanoj nomas la placon Stachus, nomita je iama gastejestro. Ekde de tiu placo estas nur kelkaj minutoj piede al la ĉefstaciodomo.